梅子貓舍 (已結業)

夜晚約咗朋友嚟到呢間樓上貓貓cafe食晚飯。入到去，座無虛席，啱啱好有兩個位，於是我哋就坐咗入去。雖然客人好多但係環境好安靜，因為唔想騷擾到啲貓貓。睇嚟客人嘅素質都好高。我朋友點左個芝士肉醬意粉。佢個芝士醬汁好開胃。極力推薦大家食呢個。而我就叫咗個全日早餐，再加多一杯榛子朱古力。十分推薦大家點榛子朱古力，唔知點解同出面啲唔同，特別好飲，特別香，特別重榛子味。見到好多客人都係熟客，識得點樣摸可以令到d貓貓舒服。好快我都會變成熟客仔，因為我會再嚟食。