影片
更多
2020-08-19
314 瀏覽
呢間小店係2015年佐敦開業，由3個80後男仔開設，幕後軍師係雞蛋仔老師傅👨🏻🍳最近搬咗新舖，依然主打即叫即做雞蛋仔同格仔餅，亦有輕量熟食例如燒賣、魚蛋、撈麵等🍜💗竹炭熔心芝士雞蛋仔($33)雞蛋仔特別加咗竹炭增加香味🌋外層烘得完整挻身，不過未夠香脆，內層煙韌，但較紮實唔夠軟糯。食落雖然蛋味不足，好彩中間唔會空心都算足料，平均放滿鹹香嘅芝士粒，奶香味十足，失望係未熱至半溶，冇流心同拉絲🧀💗榛子咖啡格仔餅($25)格仔餅接近2cm厚，外層烘至金黃香脆，內餡濕潤有彈性，鬆軟唔死實🧇粉漿加入特濃咖啡粉同自家烘香去衣嘅榛子，咖啡帶輕微苦澀味☕️堅果碎口感十足🌰中間嘅醬料係爆餡程度，有粗粒花生醬、香甜煉奶同鹽味牛油，味道好有層次。💗咖哩魚蛋($10/7粒)炸魚蛋細細粒，肉質結實 ，食落爽口彈牙🍢再沾滿自家製咖喱汁，悲傷小姐從未食過咁香濃惹味嘅咖喱，辣勁亦好強，但個種辣係好過癮，食到停唔到口🌶💗腸粉配6粒魚蛋燒賣($18)利用大同油製作嘅腸粉，皮薄滑溜，爽彈唔軟爛👍🏼；魚蓉燒賣比較麵粉質感；白魚蛋略嫌有少少雪味。除咗淋上甜醬同麻醬外，必定要求加「袐製沙嗲醬」，食落濃稠惹味，微辣中帶花生香🥜所有材料
💗竹炭熔心芝士雞蛋仔($33)
雞蛋仔特別加咗竹炭增加香味🌋外層烘得完整挻身，不過未夠香脆，內層煙韌，但較紮實唔夠軟糯。食落雖然蛋味不足，好彩中間唔會空心都算足料，平均放滿鹹香嘅芝士粒，奶香味十足，失望係未熱至半溶，冇流心同拉絲🧀
竹炭熔心芝士雞蛋仔
$33
24 瀏覽
0 讚好
0 留言
💗榛子咖啡格仔餅($25)
格仔餅接近2cm厚，外層烘至金黃香脆，內餡濕潤有彈性，鬆軟唔死實🧇粉漿加入特濃咖啡粉同自家烘香去衣嘅榛子，咖啡帶輕微苦澀味☕️堅果碎口感十足🌰中間嘅醬料係爆餡程度，有粗粒花生醬、香甜煉奶同鹽味牛油，味道好有層次。
榛子咖啡格仔餅
$25
19 瀏覽
0 讚好
0 留言
💗咖哩魚蛋($10/7粒)
炸魚蛋細細粒，肉質結實 ，食落爽口彈牙🍢再沾滿自家製咖喱汁，悲傷小姐從未食過咁香濃惹味嘅咖喱，辣勁亦好強，但個種辣係好過癮，食到停唔到口🌶
咖哩魚蛋
$10
18 瀏覽
0 讚好
0 留言
💗腸粉配6粒魚蛋燒賣($18)
利用大同油製作嘅腸粉，皮薄滑溜，爽彈唔軟爛👍🏼；魚蓉燒賣比較麵粉質感；白魚蛋略嫌有少少雪味。除咗淋上甜醬同麻醬外，必定要求加「袐製沙嗲醬」，食落濃稠惹味，微辣中帶花生香🥜所有材料都索哂腹郁醬汁香，簡直令人回味🥘
腸粉配6粒魚蛋燒賣
$18
8 瀏覽
0 讚好
0 留言
張貼
