影片
更多
2023-12-01
848 瀏覽
呢間快餐店嘅沙嗲牛肉麵被譽為全香港最好食，可惜今日結業了🥲 10月尾食過一次堂食未出post，估唔到一個月後就執咗… 不過聽聞老闆搵緊舖位，之後會喺荔枝角開返！呢間快餐店開7am-5pm，星期日休息，唔係喺附近返工嘅話只好星期六去食！上次去食等咗3、4個字，條龍少少長，但都郁得好快～11點前入座趕得切叫早餐，$41揀3個餸，加個多士$9～佢哋嘅沙嗲牛肉真係幾好味！沙嗲味好香濃，甜甜哋又辣辣哋咁，有少少鹹，加埋落麵度食就啱啱好啦！牛肉好軟腍滑，一啲都唔韌，又好少筋，好易咬！牛肉大大塊，唔會碎濕濕咁～ 公仔麵又唔會太腍！奶醬多都幾好食！烘得好香脆，麵包係比較薄嗰種，食落去更香口～奶醬好足，食到舔舔脷😋呢個post純粹係想記錄一下～ 相信不久嘅將來好好運會開返💪🏻
呢間快餐店嘅沙嗲牛肉麵被譽為全香港最好食，可惜今日結業了🥲 10月尾食過一次堂食未出post，估唔到一個月後就執咗… 不過聽聞老闆搵緊舖位，之後會喺荔枝角開返！
呢間快餐店開7am-5pm，星期日休息，唔係喺附近返工嘅話只好星期六去食！上次去食等咗3、4個字，條龍少少長，但都郁得好快～11點前入座趕得切叫早餐，$41揀3個餸，加個多士$9～
佢哋嘅沙嗲牛肉真係幾好味！沙嗲味好香濃，甜甜哋又辣辣哋咁，有少少鹹，加埋落麵度食就啱啱好啦！牛肉好軟腍滑，一啲都唔韌，又好少筋，好易咬！牛肉大大塊，唔會碎濕濕咁～ 公仔麵又唔會太腍！
奶醬多都幾好食！烘得好香脆，麵包係比較薄嗰種，食落去更香口～奶醬好足，食到舔舔脷😋
呢個post純粹係想記錄一下～ 相信不久嘅將來好好運會開返💪🏻
張貼
