八寶清湯腩

營業中

休息中

YouTube及好多人都有提過呢間牛腩粉麵店，佢有好出名嘅崩沙腩及爽腩，但如果下晝嚟過咗一點都唔洗旨意食到，又要再等5點嗰輪。星期六大概下晝2:00嚟到，前面排8-10個人，排咗15-20分鐘，餐廳冇設搭檯，幾好，所以排耐少少都可以接受。坐低後先見到咁多選擇，但已經兩點幾，崩沙腩已冇哂，坑腩都冇哂，最後叫咗蘿蔔清湯爽腩河、蘿蔔清湯爽腩麵、牛三寶，入面有牛肚、牛筋、牛腩，$178一碗，另仲有叫咗個牛肉芫茜水餃。份量相當多，其實食一碗都已經好飽。一人一碗，清湯牛腩要配河粉，會好食啲，佢哋啲辣油一般，唔建議落辣椒油落啲湯度。牛三寶，好食牛肉芫茜水餃，個人覺得唔係呢度嘅強項，食番佢哋啲牛腩粉麵會穩陣啲。呢度係米芝蓮，價錢較一般地道牛腩粉麵店貴，個人覺得可以一試，但又未去到會好瘋狂地愛上佢。如果你係好鍾意食牛腩粉麵嘅人，都值得嚟試吓。下次有機會經過，都會再試佢哋嘅崩沙腩。