影片
更多
2024-03-10
1097 瀏覽
三希樓價錢💲: $398/ $388/ $42/ $42/ $98/ $72/ $38/ $38好味程度😋: 4/5 (豆腐花/流沙包都5/5!)服務🍴: 4/5環境🗾: 4/5性價比🥢: 3.4/5回頭率😚: 3.7/5-傳統老字號川菜三希樓呢排開到去荃灣廣場lu。襯lunch time去試試先！除左晚市menu，lunch仲就有得飲茶食點心。大班人就可以試多啲啦！侍應叔叔們都幾好客又多野講，唔怪得之都幾多熟客回頭咁。環境比想像中細但比平時的酒樓靚啲。平日午市都幾full，想食的最好book位！-✅三希樓水煮魚。見到咁多🌶️都唔洗怕，因為店員會幫你先撈走再食。魚片無任何雪味/漂味，係高質的魚類🥰 魚肉滑得來結實。另外入面仲有小小鴨血/ 薯粉！呢個湯底雖然充滿辣味，但辣油的份量覺得可以接受🤩 呢隻辣唔係死辣，係辣得香口而有麻味的辣，都有層次🤭 叫佢做最小辣就啱啱好！-🆗招牌酸菜魚。呢個魚塊唔多…秀珍菇仲多過魚😒 魚肉同水煮魚一樣高質，但佢份量小，同埋個湯底都係淡🥺唔係平時酸湯咁鮮。酸菜撕成一絲絲的。-✅家常酸辣麵。比起擔擔麵個人更愛呢個！因為濃味d😂雖然可以更酸，但而家酸度得宜，中辣左右
價錢💲: $398/ $388/ $42/ $42/ $98/ $72/ $38/ $38
好味程度😋: 4/5 (豆腐花/流沙包都5/5!)
服務🍴: 4/5
環境🗾: 4/5
性價比🥢: 3.4/5
回頭率😚: 3.7/5
-
傳統老字號川菜三希樓呢排開到去荃灣廣場lu。襯lunch time去試試先！除左晚市menu，lunch仲就有得飲茶食點心。大班人就可以試多啲啦！侍應叔叔們都幾好客又多野講，唔怪得之都幾多熟客回頭咁。環境比想像中細但比平時的酒樓靚啲。平日午市都幾full，想食的最好book位！
-
✅三希樓水煮魚。見到咁多🌶️都唔洗怕，因為店員會幫你先撈走再食。魚片無任何雪味/漂味，係高質的魚類🥰 魚肉滑得來結實。另外入面仲有小小鴨血/ 薯粉！呢個湯底雖然充滿辣味，但辣油的份量覺得可以接受🤩 呢隻辣唔係死辣，係辣得香口而有麻味的辣，都有層次🤭 叫佢做最小辣就啱啱好！
-
🆗招牌酸菜魚。呢個魚塊唔多…秀珍菇仲多過魚😒 魚肉同水煮魚一樣高質，但佢份量小，同埋個湯底都係淡🥺唔係平時酸湯咁鮮。酸菜撕成一絲絲的。
-
✅家常酸辣麵。比起擔擔麵個人更愛呢個！因為濃味d😂雖然可以更酸，但而家酸度得宜，中辣左右同水煮魚差唔多。最鍾意係麵條掛到個酸辣羹。辣味香得來又帶麻🥳
-
✅四川擔擔麵。兩款湯麵的麵條都屬於好幼的一種，但煮得好好地麵條完全唔lum唔一patpat😗 擔擔麵味道唔係好濃厚，顔色合格但味道有d淡，椒麻味隱約。食到有小小花生醬，但都唔係好濃。上面最濃味的係d肉碎，撈埋曬就好食小小。
-
✅香菇炒萵筍絲。萵筍絲無特別好食，都係食佢本體的雙脆度，同埋炒得夠翠綠😀 有d菇絲成碟會濃味小小。
-
✅✅木桶即撞豆腐花。木桶豆腐花店員已經熱心幫我地分好。呢個係我食過最綿密滑溜的豆腐花‼‼直接滑落喉嚨之餘，佢的密度係好高，完全唔會硬/鞋😳豆同石膏粉的比例剛剛好！同埋豆味都兼備😍 除左一般的黃糖，仲有桂花蜜提供，比黃糖的甜味會來得清甜，但桂花味就唔係好覺。
-
✅✅極品流沙包。流沙包熱辣辣，包皮好軟熟，皮薄餡多😋 流沙餡好澎拜！一mit開已經流出來。味道都唔會太甜，食到有鹹蛋黃味，鹹香鹹香😌
-
✅✅雷沙湯圓。呢個都做到芝麻餡好流心🤓 湯圓軟糯。黃豆粉包裹得足夠。
-
其實我地都試左其他小小點心，例如炒腸粉、鹹水角、珍珠鷄。全部都中上水平~ 同一大班同事食飯就無每樣都影到🙈 中午食可以夾雜d點心，價錢應該會平d。我覺得呢到完全係被豆腐花同流沙包耽誤的水煮魚店！！ 🤪 個2樣真係太出色同有記憶點。
張貼
