八麵棧 (信和工商中心)

營業中

休息中

有得選擇的話，一定唔再幫襯，就算好味都係咁話！12點左右打去叫外賣，姨姨話而家做，我話冇問題，同一座大廈，等到12:45未到，打去問，話岀左，等下啦，到1點再打去問又話岀左，我話頭先45分已經話岀左，會否漏單？姨姨話係岀左丫，要等𨋢多人丫，我心諗有乜理由十幾分鐘都撘問倒𨋢落黎？跟住谷鬼氣自己衝上去，點知個外賣就咁放左係門口度！真係離譜！食飯時間得一個鐘，我1點15分先有得食，問親都話外賣岀左，忙唔緊要，我體諒，但都講句冇人送外賣自己上去攞啦，又唔講，打上去問佢地啲態度又差，好似爭佢錢咁！大佬丫，我明白小店冇乜服務提供，幫襯完就走，但都唔係咁樣丫！我幫襯左幾年，真係谷氣，而家忍唔住先响度講咋！服務1分都唔想比，只係冇得冇分！