八麵棧 (信和工商中心)

營業中

休息中

自從EMAX結業後，打工仔都四散去唔同地方搵食，其中信和就隱藏咗好多飯堂今日上9樓八麵棧🩶八麵棧12點已經全場滿座，如果多人食可以致電留座。職員忙過不停 ，工作好快手。八麵棧最馳名莫過於車仔麵🍜，特別係胡椒豬肚湯 左思右想後決定點試冷門野！！伴飯之選的梅菜蒸鯇魚( ˘ ³˘)♥︎點餐後好快就上菜了，算係快靚正之選，鯇魚口感嫰滑，無乜泥腥味，蔥花份量岩岩好，魚肉撈飯好好味胃口比較大既仲可以免費添飯、菜。埋單既時候門口仲係好多人排長龍等食，果然生意興隆喎溫馨提醒🔔餐廳只收現金 💰想食就記得帶定散錢啊🩶🫶🏻

九龍灣嘅信和工商中心雖然無觀塘嘅工廠大廈咁百花齊放，但當中不乏有實力嘅餐廳經營，食物質素可能比大街嘅餐廳更高，價錢仲要比較相宜八麵棧主打食車仔麵， 午餐亦有飯餐供應。麵底+2餸配飲品都係$37,抵啊！咸菜胡椒豬肚湯非常出色， 湯底濃郁重胡椒味，仲有少許咸菜同豬肚作為配菜，好飲到想飲晒個湯。豬軟骨入味夠軟嫩，唔洗好大力都咬到，味道唔錯。肥牛，豆卜，生菜完全吸收湯底胡椒味，食完真係成個人暖晒！黑芝麻麵唔錯嘅，平時較少見返工時間午市要等位， 建議避開午市過去更好

🇭🇰八麵棧·咸菜胡椒豬肚湯兩餸車仔麵$37反而呢間就失色少少啦 雖然佢個湯底同餸既選擇都多 不過我自己都係覺得E-max既火雞姐好味啲🤣🤣佢個咸菜胡椒豬肚湯主要都係地個胡椒味 雖然都暖胃 但係就單調少少 而且豬肚偏韌少少🫢之後我嗌既蘿蔔都甜既 反而豬軟骨就有啲太淋身同埋少少肥膩 口感無咁好😂😂️·📍八麵棧 (九龍灣啟祥道9號信和工商中心9樓919-920室)·#rbyeat#rby港式#rby九龍灣

八麵棧地址: 九龍灣啟祥道9號信和工商中心9樓919-920室呢間九龍灣工廠大廈入面嘅食堂，3餸車仔麵$42都幾抵食🤩，今次我就試咗咸菜胡椒豬肚湯米線🐷(特級餃魚片頭; 雪花肥牛; 魚皮餃)和特濃蕃茄湯米線🍅(魚皮餃; 豬柳潢堡; 野菜豬肉湯餃)等等等，雖然一飲啖湯就飲得出係蕃茄湯味，清清地加上少少酸酸地😆，而且味道都係覺得一般般😅，無乜太大特別，真係失望了少少🥲。相反咸菜胡椒豬肚湯就較為出色😂，好酸好開胃最岩用來淥米線食😏，啖啖米線都包含酸菜味煙韌又有咬口真心越食越開胃。#nicefoodie九龍灣—--------------------#food #foodporn #hkfoodblog #hkgoodblogger #foodphotography #foodie #foodblogger #goodstagram #hkfood #hkfoodie #hkfoodlover  #delicious #breadfast #dinner #lunch #restaurant #eat #phtooftheday #yummy #chef #hk  #香港 #香港美食 #美食

午市時間舖頭非常擠迫，好多人客，有機會要等位，價錢相宜，可以話抵，$4X左右一個午餐包熱飲。多次惠顧基本上係本人早餐及午餐嘅飯堂，最鍾意係蒸排骨飯緊記叫職員落單時加辣椒，個汁味道好撈飯好夾，熱奶茶及熱咖啡相比一般茶餐廳好飲，早餐亦非常抵，$3X頭已經有一個三餸麵餐，可以揀選出前一丁或辛辣麵。腸粉燒賣$2X即叫即蒸。絕對係近九展附近最好食嘅工廈茶餐廳。美中不中可能係好食兼抵食嘅關係，午餐時段太多人，非常擠迫同埋太多人傾偈比較嘈，不適合喜歡寧靜而又想獨自享用午餐嘅人到來。

今日來到這棟工業大廈找尋隱世食店，店子不算大，中午時分門口也有人龍，等了10分鐘才有空位。入內就是收銀位置，還見到少爺仔在玩著火車玩具🚞家常小店的感覺浮現。 .餐廳的位置比較密集，不過已經掛好了防飛沫膠簾，用餐時亦不會看到其他非同檯食客，不怕尷尬😉 .除了牆上掛著的每天精選快餐，還有主打的湯麵和地道港式撈丁，附近工作的朋友推介這些基本款才是最能體現餐廳質素📔 湯底有咸菜胡椒豬肚湯、特濃蕃茄湯、重慶酸辣湯和豬骨清湯，麵底除了常見的米線薯粉外，更有手打魚麵和最近譚仔才加入的菜底🥬 🐟咸菜胡椒豬肚湯手打魚麵 | $41 | 7.5/10來到寒意十足的天氣，來上一碗熱湯麵是最高享受，湯底足料有驅風散寒之用，豬肚乾淨無異味🤭配料選了炸魚腐、香炸蝦卷和鴨胸片，魚腐味道最佳有咬口，香炸蝦卷放進湯中太久沒了脆口感有點失望😒難得有魚麵當然要一試，魚麵夠哂粗，爽口清甜有筋道和彈滑感覺，絕對不虛此行。 🐷豬柳漢堡腸仔香草芝士撈丁 | $42 | 7.5/10出前一丁是即食麵的頂尖位置，因為質地較彈口不易煮至過軟，可稱道的是腸仔以切十字方式去再煎，十分地道的做法，令肉香透出🍜香草芝士味道香濃，熱融芝士與丁麵很

今日落雨係office唔想行出去食lunch，所以就叫左公司附近既依間餐廳。本身諗住求求其其食過飯盒就算，但係依個lunch真係令我喜出望外。燒春雞配辣汁蘑菇飯 $48估唔到48蚊有半隻雞食，份量真係好足。燒春雞食落去都仲係juice既，唔會係榎歰歰，而隻雞既調味唔會太咸，配埋個汁食真係送飯一流。另外個辣汁對於我個人黎講係岩岩好，但係如果食得辣既朋友仔可能會覺得唔係好夠辣。不過依間餐廳日日都轉menu，唔知幾時先再遇到咁抵食既野啦

九龍灣機電處嗰邊，如果唔係九龍灣國際展貿中心食貴價午餐，就只可以選擇信和中心內的食肆。✨✨✨本人最推介係真材實料的胡椒豬肚湯米線，配兩餸及飲品都只是$36 (食完唔記得影相，不過我覺得一定要介紹俾大家）✨另外，每日都有精選午餐炸豬扒配3.6牛乳炒蛋😋😋😋豬扒大件爽脆，最緊要唔會柴皮😜😜另外仲可以自選飯或者蒜蓉牛油意粉，加底又唔洗加錢，啱晒一班大食但同事。✨✨最近開心大發現，叫外賣唔使加錢，仲可以送到公司，啱晒炎炎夏日又落雨又懶既我😎😎（雖然今日午餐埋上一步，但係好好味😋）

呢間食店喺工廈內，有點隱蔽。✨腸粉+燒賣+熱檸茶 $24我好鍾意食佢個腸粉燒賣餐，腸粉好滑，燒賣夠彈牙，再加上混醬一齊食好好味。檸檬茶味香濃，唔會澀口，唔錯。✨肥牛雙太陽蛋辛辣麵+熱咖啡 $30小店好細心會將味粉分開上，自己鍾意落幾多就落幾多。個麵煮得好彈牙唔會好淋，加上脆邊嘅太陽蛋，仲有肥牛片，食完成碗真係好飽。本身個餐仲跟一塊牛油多士，但我覺得食個麵已經好飽，所以冇要到，以免食唔曬浪費。咖啡係正常茶記味道，不過不失。可能食店位於工廈內，所以佢價錢都算平，早餐抵食之選。推介！！！👍👍👍👍👍

越嚟越差！叫親外賣都落錯單！今日12:20 叫外賣！13:10 先打電話話送貨！等咗九個字先送到！我要三個餸比左兩個餸！上要要河粉比米線！今日碗米粉冇湯！豬肚仲紅未熟甘點食？

呢間九龍灣工廠大廈入面嘅食堂，lunch時間都幾多人食，因為冇位，所以叫外賣。呢度嘅麵食，好似車仔麵咁，選擇餸同麵，呢度都幾抵食，2餸1麵都係36蚊，我叫咗豬腸、雞尖、米線、胡椒豬肚湯，豬腸同雞尖炆得都幾淋好入味，而最出色都係個湯底，個湯辣辣地，勁重胡椒味，每次都全部飲晒。

呢度算係九龍灣最好食嘅車仔麵餸菜款式都多食物質素高價錢亦都便宜嚟到呢度記得一定要配魚麵老闆都幾有heart去整 魚味都非常豐富 食店嘅職員亦都有禮貌所以我覺得如果喺九龍灣返工可以試一試呢個車仔麵

有得選擇的話，一定唔再幫襯，就算好味都係咁話！12點左右打去叫外賣，姨姨話而家做，我話冇問題，同一座大廈，等到12:45未到，打去問，話岀左，等下啦，到1點再打去問又話岀左，我話頭先45分已經話岀左，會否漏單？姨姨話係岀左丫，要等𨋢多人丫，我心諗有乜理由十幾分鐘都撘問倒𨋢落黎？跟住谷鬼氣自己衝上去，點知個外賣就咁放左係門口度！真係離譜！食飯時間得一個鐘，我1點15分先有得食，問親都話外賣岀左，忙唔緊要，我體諒，但都講句冇人送外賣自己上去攞啦，又唔講，打上去問佢地啲態度又差，好似爭佢錢咁！大佬丫，我明白小店冇乜服務提供，幫襯完就走，但都唔係咁樣丫！我幫襯左幾年，真係谷氣，而家忍唔住先响度講咋！服務1分都唔想比，只係冇得冇分！

係呢區想搵早餐食，突然間諗起呢幢工廈有食肆，諗住求其一餐填飽個肚就算，點知有驚喜，一入店感覺乾淨企理，叫咗個三餸麵，五香肉丁、煙肉、煎蛋麵，上枱時睇得出真係有用心煮嘢比客人食，煎蛋係荷包蛋個面係白色不是茶餐廳嗰啲透明未熟蛋白，煙肉有煎過，五香肉丁係有醬既證明唔係就咁係罐筆落去，個麵真係一流，真係好耐未試過係餐廳食即食麵唔係四方形浮喺隻碗度，而係真係煮到熟透，雖然唔係有乜特別味道但係每樣食物都睇得出廚師真係用心煮野比客人食，咁樣嘅餐廳而家真係非常小有

九龍灣工廈入面嘅好選擇! 午飯時間好多人等位, 打佐去叫外賣, 去到都要再等15分鐘先有! 不過佢地d單有d亂, 買外賣記得要睇清楚!試佐 咸菜胡椒豬肚湯跟飯配金菇,豬軟骨 同埋 重慶酸辣湯米線配魚片頭,豬軟骨咸菜胡椒豬肚湯飯好好食 初初覺得胡椒味唔夠重, 食食下越食越出, 絕對係可以連湯飲曬! 重慶酸辣湯 OK, 無重慶味, 似普通清湯米線加佐辣油, 同街一般細細碗嗰d重慶酸辣粉好唔同, 但係米線質地好食, 不過下次唔會再揀依個湯底值得一提 豬軟骨 炆得好淋好入味, 遲去會賣曬, 有得叫就推薦你試下啦!!