Vol.1 Cafe

營業中

休息中

網上見到有間有露台既西式咖啡店，主打手工意粉。店舖前身係專賣手工意粉，係近呢半年先至轉變成咖啡店。嗌左兩個特飲，都係奶味軟重，左面個杯好似天空既雲朵，隔離個杯係綠茶士多啤梨牛奶，不過不失啦，驚喜唔大，不過影相又幾靚既。因為餐牌選擇唔多，最後嗌左個人人都有嗌既龍蝦餐湯。湯附上既竹炭餐包烘過，脆口，點住湯食感覺唔錯。龍蝦都幾夠味，仲有唔少龍蝦肉既。既然主打手工意粉，點可以唔嗌一客。碟好大，不過份量就好少，意粉質感係硬身啲既，個汁都香濃，唔錯既，但你唔會有種“阿，超正吖，一定要再來食”既感覺囉。不過不失既餐廳，期望餐廳多點菜式選擇。