泰亭 (已結業)

某日同朋友去荷李活中心行街，行到咁上下想坐一坐，竟然比一浸香味吸引住，要兜返轉頭搵吓個源頭！原來就係呢間泰國嘢！餐牌都唔睇就沖左入去！講吓杯招牌泰式奶茶先！飲開正宗泰式奶茶都知道，係甜到糖尿嘅！呢度呢杯都有80分！另外叫咗一杯珍多冰，啲料多幾多唔錯唔錯！今次試咗泰式豬頸肉沙律！非常惹味辣辣地，幾開胃！不過本身以為有沙律菜，點知係以豬頸肉為主！依然係正嘅🤭仲試咗個泰式咖喱，今次叫雞！係黃咖喱雞！有驚喜～～另外叫多咗個薄餅！襯埋一齊簡直欲罷不能！同埋見到隔離位叫咗海南雞，賣相唔錯！下次會想食🥳