101肉燥飯專門店 (河傍街) (已結業)

好耐冇食中學食堂之一101肉燥飯。以前成日食照燒雞扒配玉子肉燥飯，都已經覺得呢間性價比高。今日見到對面枱嘅巴東牛肉大大件，唔似其他餐廳有薄切嘅牛展/ 肉片，而係厚身嘅牛腩，睇落都正，所以就作了新嘗試。叫個時，姐姐仲特意提醒巴東係辣。鐘意食辣嘅我（註：不等同好食得辣）當然冇問題。隔咗唔洗5分鐘就有。上菜速度奇快，未必係好事，成碗飯都唔熱。好彩個主角巴東牛肉冇令人失望。牛腩唔會煮到乾爭爭，有少少膏。值得一讚地方係調味一流，牛腩好入味。即使冇巴東汁，只食舊牛肉都食到個慢慢浸出嘅辣。辣度小辣，好惹味。肉燥就比較遜色，冇乜味，可能牛肉本身重口味啦。而且肉燥份量少，亦少冬菇洋蔥呢d香口嘅配料。巴東牛肉本身值4粒星，可惜就被佗衰家。食辣嘢唔少得飲品，所以加咗$3 飲珍奶。明明已叫少甜，都係偏甜。不過珍珠夠淋，我鐘意。