同撈同煲 (堅拿道西)

營業中

休息中

店內裝潢得好似回到咗那啲光輝歲月，處處都洋溢著復古嘅氣氛。一入門，四周圍都系些復古海報同舊時代嘅小玩意，加上啲霓虹燈光，簡直就系穿梭時空，直接送你返到咗八九十年代，感覺自己好似主角一樣，行喺老香港嘅街頭。首先叫個湯底，咸蛋芥菜湯，鹹蛋同芥菜搭配，鮮香又解膩，食完火鍋仲可以順便養生，一舉兩得。點可以少咗肥牛，叫咗一碟本地手切牛肉，一碟極級封門柳；牛肉選料講究，新鮮又嫩滑，又富有嚼勁，師傅手工現切，一片片薄得透明，輕輕一涮，入口即化，好滿足；小食，手工炸魚皮，脆口得嚟又保持住魚皮原本嘅鮮味，啖啖肉感，絕對系下酒好嘢；炸釀豆卜，內裡填滿咗香濃嘅餡料，外面裹咗層金黃酥脆，一口咬落去，香！魚皮餃，選用嘅魚皮Q彈有嚼勁，包裹住鮮美肉餡，鮮美滋味直沖味蕾。自家製杞子圓肉菊花蜜，解渴清熱，養生又滋補，甜度剛好。最後甜品有懷舊糖不甩，軟軟糯糯的錦鯉外形，放進火鍋裡煮一煮再多撒上花生碎，又甜又鹹還有些辣味，口感十足；啫喱上面插咗把小紙傘，色彩斑斕，唔止好食，睇落都開心。