廚十三老壇酸菜魚 (渣甸街) (已結業)

廚十三係太二集團旗下嘅，裝修都有啲跟番太二既裝修，中國風得黎又有枱調👍🏻🤘🏻 蔥油撈豬肚要做到豬雞爽口又唔會騷臭係唔易架，廚十三就真正做到👅豬肚爽脆，被蔥油撈勻埋簡直香濃惹味，而且仲有唔少既蔥絲，口感好好呀！👄泡椒鳳爪$68鳳爪爽脆，仲要有啲肉，中意食骨既朋友真係岩晒！鳳爪索晒啲花椒味，花椒浸出黎既鳳爪真係好入味，好好好食呀！！👅老壇酸菜魚酸菜魚既酸菜係呢度既賣點之一，酸菜係自家醃製既，健康啲，又唔會太咸，令湯更入味，配埋q嫩既魚片就更好味啦！唔夠飽既話仲可以自選配料，爽！