影片
更多
2017-03-29
624 瀏覽
今日食完呢間泰國餐廳,急不及待要上黎打食評,因為呢到的確有十足既泰國風情一出lift口,就可以見到餐廳細緻既裝修,小至lift口都會掛上泰國風既布簾,而由於係下晏兩點既時間先黎到,所以餐廳既人唔算多呢到既地方好大好寬敞,坐得好舒服,靠牆既位置仲有啲位係設計得好有心思架tim,而且仲見到佢有啲位係特別間開左,相信係for人多既話可以有個private area,而呢到既侍應真係差唔多全部都係泰國人,見佢地自己之間溝通都係講泰文,所以真係會覺得好似係泰國食緊野咁雖然朋友話呢到既椰青沙冰係招牌,但因為每月之事所困唔可以飲凍野,唯有叫返普通既椰青啦,不過好彩椰青好大個!非常清甜而且呢個椰青唔老,好輕易就刮到啲滑嘟嘟既椰青肉了!平時去泰國餐廳黎黎去去都係叫飛天炒XX菜,雖然都好食不過不免會食到悶,呢到終於有多啲選擇,我就揀左羊角豆,啫係秋葵,炒得好入味,而且唔會太辣,岩晒我呢啲唔可以食超級辣既人蜜糖燒肋骨,雖然Ribs應該唔算係泰國菜哈哈!不過同樣做得幾出色,肉質好林好軟,而且面既蜜糖都幾多,所以好夠味,我自己一個人食左三嚿....最後要黎返個甜品先可以走!叫芒果糯米飯既時候其實都有啲猶豫,因為
一出lift口,就可以見到餐廳細緻既裝修,小至lift口都會掛上泰國風既布簾,而由於係下晏兩點既時間先黎到,所以餐廳既人唔算多
呢到既地方好大好寬敞,坐得好舒服,靠牆既位置仲有啲位係設計得好有心思架tim,而且仲見到佢有啲位係特別間開左,相信係for人多既話可以有個private area,而呢到既侍應真係差唔多全部都係泰國人,見佢地自己之間溝通都係講泰文,所以真係會覺得好似係泰國食緊野咁
雖然朋友話呢到既椰青沙冰係招牌,但因為每月之事所困唔可以飲凍野,唯有叫返普通既椰青啦,不過好彩椰青好大個!非常清甜而且呢個椰青唔老,好輕易就刮到啲滑嘟嘟既椰青肉了!
平時去泰國餐廳黎黎去去都係叫飛天炒XX菜,雖然都好食不過不免會食到悶,呢到終於有多啲選擇,我就揀左羊角豆,啫係秋葵,炒得好入味,而且唔會太辣,岩晒我呢啲唔可以食超級辣既人
蜜糖燒肋骨,雖然Ribs應該唔算係泰國菜哈哈!不過同樣做得幾出色,肉質好林好軟,而且面既蜜糖都幾多,所以好夠味,我自己一個人食左三嚿....
最後要黎返個甜品先可以走!叫芒果糯米飯既時候其實都有啲猶豫,因為要成六十蚊,不過好彩無失望,呢個糯米飯有一半係白色既糯米,另一半就係紫糯米,而最最最重要既係個飯係熱既!!!好開心連甜品都認真製作,配埋椰汁同芒果剛好滿足我地既甜品胃而且始終係飯,呢到既份量其實都唔少,所以食食下都幾飽,同朋友最後都剩返少少食唔晒tim
張貼
