東羅 泰館 (已結業)

上星期有晚去觀塘買野,順便同朋友去食飯,咁啱大家都想食泰國菜,於是我地就去咗裕民坊嘅東羅泰館,餐廳喺裕民坊嘅平台,店舖外面好適合打咭,餐廳裝潢有泰國氣息,有懷舊嘅磚牆，仲有卡座,待應們好幫手,我都揀咗個二人餐,有碎肉冬瓜粉絲湯仲有冬瓜湯,係用個杯裝住嘅,飲用方便！前菜我去揀咗鹹蛋黃單骨雞翼同豬頸肉芒果沙律,咸蛋雞翼味道濃郁,配合芒果沙律有種減膩嘅作用！主菜方面我地揀咗紅咖哩慢煮牛肋條同埋泰式醉貓炒麵,牛肋條每件都入味同軟糯,醉貓炒麵用嘅麵質好似腸粉咁,有少少辣但味道好特別!飲品方面我地嗌咗雪條奶茶,雪條原條泰式奶茶味道比較甜,融喺茶入面中和咗甜味幾好飲！