影片
更多
2023-02-09
12 瀏覽
今次捐窿捐罅去咗尖沙咀「喜聚燒」，係間樓上串燒店。餐廳裝潢好和風，牆壁上嘅油畫好靚，同時座位幾闊落，坐得舒服。❤️喜聚麻辣滋補鮮烏雞 - 半隻 （$198）好少見到有烏雞食，所以叫黎試下，雞肉肉質紮實幾爽口，配料有海量蟲草花、感覺好補。而麻辣汁偏向辣而不麻，加埋洋蔥、芹菜等好惹味。😋燒蟶子皇 （$78）蟶子夠大隻，好鮮甜，配埋蒜蓉醬好香，好味喎！👍沙嗲燒厚魚肚 （$48）第一次食串燒見有魚肚，一串3件，魚肚好腍好厚身，食落甜甜地同時又食到沙嗲嘅咸香，幾特別。😊😊海鹽燒芫茜 （$24）芫茜葉燒到脆脆地，好有口感，平時芫茜多數配湯食，估唔到用鹽燒都幾好食。😉燒黑啤牛仔骨 - 特厚 （$69）一份有2件，牛仔骨幾大舊啖啖肉，肉質好腍，而且燒到兩邊焦脆，好正呀。😆😆燒玉桂焦糖金菠蘿 （$38）最後點咗個燒菠蘿做甜品，菠蘿非常juicy，面頭加上肉桂同糖粒，食落酸酸甜甜好夾。😋另外餐廳做緊慶祝開業6週年活動，凡消費即每人送蒜蓉燒廣島生蠔一隻，廣島蠔肥美多汁，好食！❤️❤️餐廳整體食物質素唔錯，幾喜歡佢地將串燒放係燒熱嘅石板上面，keep食物熱辣辣。而且食物款式幾特別，有機會想再去試下！👍😊
喜聚麻辣滋補鮮烏雞 - 半隻 （$198）
好少見到有烏雞食，所以叫黎試下，雞肉肉質紮實幾爽口，配料有海量蟲草花、感覺好補。而麻辣汁偏向辣而不麻，加埋洋蔥、芹菜等好惹味。😋
燒蟶子皇 （$78）
蟶子夠大隻，好鮮甜，配埋蒜蓉醬好香，好味喎！👍
沙嗲燒厚魚肚 （$48）
第一次食串燒見有魚肚，一串3件，魚肚好腍好厚身，食落甜甜地同時又食到沙嗲嘅咸香，幾特別。😊😊
海鹽燒芫茜 （$24）
芫茜葉燒到脆脆地，好有口感，平時芫茜多數配湯食，估唔到用鹽燒都幾好食。😉
燒黑啤牛仔骨 - 特厚 （$69）
一份有2件，牛仔骨幾大舊啖啖肉，肉質好腍，而且燒到兩邊焦脆，好正呀。😆😆
燒玉桂焦糖金菠蘿 （$38）
最後點咗個燒菠蘿做甜品，菠蘿非常juicy，面頭加上肉桂同糖粒，食落酸酸甜甜好夾。😋
另外餐廳做緊慶祝開業6週年活動，凡消費即每人送蒜蓉燒廣島生蠔一隻，廣島蠔肥美多汁，好食！❤️❤️
餐廳整體食物質素唔錯，幾喜歡佢地將串燒放係燒熱嘅石板上面，keep食物熱辣辣。而且食物款式幾特別，有機會想再去試下！👍😊
張貼
