甜入心 (已結業)

奶油包一向都係一個追星狗近來有個新牆頭嚟香港開演唱會但係奶油包冇時間去睇朋友見奶油包咁慘就帶左奶油包去食甜品一去到門口就俾甜入心既門面吸引左好似一間小屋而且門口一眼就見到個menu入到去就見到有個免費既朱古力噴泉同埋有自助任飲既果茶而座位都好公主feel雖然係門口已經見到有個大menu但係點都要睇睇手上既小menu選擇真係多到一個點....而奶油包就同朋友要左下面既幾樣野首先打頭陣既係焦糖布甸椰皇焦糖布甸好Q配埋椰皇又好岩味布甸下既係D好似大菜糕口感既野幾好食...朋友連椰皇肉都食埋之後就要左個芒果窩夫呢個真心大推好好食既窩夫唔會太甜之餘窩夫咬落仲好香食咁少又點會係奶油包呢重頭戲嚟喇就係呢個綠茶吐司粒粒山紅豆同綠茶真係絕配吐司點左綠茶醬簡直係極品而且吐司又係勁香口再嚟一個朋友既至愛燕窩椰皇燉奶朋友話食完會靚D因為燕窩滋養肌膚最後朋友又係食晒D椰皇肉最後我地仲意猶未盡所以就再要多個綠茶心太軟唔好講笑個心太軟一切開...D綠茶醬立即流出嚟成個甜品唔會太甜之外冷熱既配搭都好岩味食完呢個甜品餐奶油包冇得去睇CON既心情平復晒