Barista Caffe

營業中

休息中

Lunch食咗超級難食嘅嘢，連食評都唔想寫，下晝肚餓到血糖低腦血管收窄頭痛，於是碌咗入去呢度食甜補番。一心諗住食窩夫，要咗經典味，飲latte。窩夫半熱上，外皮脆，內裡濕潤軟綿，富甜香但唔會太甜，不錯。Latte個泡幾綿密夠挺身，咖啡帶淡淡的果香微酸，但我覺得呢種酸幾好味易接受。侍應雖然好忙偶有蝦碌位，但主動招呼收碟斟水，幾好。因為當晚有人包場六點半要清，五點半仲爆哂要等位撘枱，可知此店吸引力非凡。同枱個女人係熟客，講比我知鰂魚涌嗰間係同店，同樣只開一至六唔做夜市除非包場，因店主崇尚平衡生活。佢叫咗個off menu 危地馬拉單品咖啡，比咗啲粉我聞，勁香。好似話午市個pizza勁薄底好味道，有機會再去試下其他嘢。