EXP

營業中

休息中

自從去年（？）EXP的lunch set包鮮榨果汁，約$100的lunch包一杯單買要$30多的果汁，健康好味又抵食。今次三人行，午餐時間用apps攞位，好快入座。點了三個set開心share: 喇沙油麵、雞肉茄汁意粉、南瓜栗子pizza. 一向鍾意食喇沙，椰汁蝦湯好味，配料有海鮮、豆腐卜，份量都多。意粉正常質素，汁有好多茄肉。南瓜栗子pizza最大份量，通常一人吃不完。上有南瓜片、栗子粒、濃厚芝士，再加上鹽和黑椒簡單調味，新鮮熱辣上桌，非常好吃！飲料當然少不了維化命豐富的混合果汁，顏色鮮豔，看見也開心。餐廳現在連紙飲管也不供應，只有鋼調羹，其實也甚好。