甜甜屋

營業中

休息中

年初二晚食完飯，忽然醒起年卅晚冇食過湯圓，碰巧經過【甜甜屋】，唔理咁多，即刻衝入去。西灣河街另外還有一間歷史更長、更加出名的甜品屋【明記】，但【甜甜屋】開業也超過10年了，今晚就試試出品如何。地下舖面面積細小，只勉強放了兩張二人枱，主力做外賣，堂食客人大部份都上去閣樓。小店閣樓當然沒有裝修，只簡簡單單擺了幾張大枱及膠櫈，但地方總算乾淨企理。四邊牆壁又畫了很多模仿日本電視動畫內的歐洲小鎮佈景，總算添上一些姿彩。餐牌有多款甜品選擇，款式介乎傳統中式糖水舖及新派港式甜品店之間；傳統紅豆沙、芝麻糊等等只是點綴，主打創新口味的西米露、紫米露、豆腐花等等。芒少爺（$52）唔算平，勝在材料豐富。用椰皇作器皿，內𥚃除了椰肉之外，又用椰子水、芒果肉及花奶打成香甜帶酸的鮮果汁液，另外還加入切粒芒果肉、台灣珍珠奶茶的粉圓及糯米粉搓成的小丸子；口感複雜，味道甜而不膩。美中不足芒果肉未夠香甜，皆因芒果未係當造季節；如果在盛夏季節、又採用呂宋芒果的話，一定會更加正！今晚食甜品主要為咗補返食湯圓。薑茶湯圓（$32）味道正常，芝麻餡的中式湯圓甜度適中、亦有黑芝麻香氣；湯圓大小適中，略嫌餡料唔夠豐富。薑茶抵讚，味道甜中