養心殿台式養生鍋 (已搬遷) 新店位置

XO仔近期多咗出去嘆歡樂時光，直令情人有感被受冷落，碰巧週四晚兩口子都唔洗OT，小肥就專登同佢一試公司附近新開冇耐o既「養心殿台式養生鍋」，打佢最愛o既邊爐，實行以滋潤o既養生鍋品補身兼補飛。火鍋店正門兩邊同外牆一樣均有小紅燈籠高高掛，極富中國色彩。店子佔用面積全層，二至四人及多人散座全有屏風隔開，寬廣得黎私人空間足，感覺大方企理。餐桌上擺放有齊全o既餐具，包括自用o既碗筷及公用o既煮食工具。就連紙巾都有成盒，好衛生。甜心兒當真體貼入微，細佬四周拍照時已點好日本朝日大啤。並於六色醬料區混好醬油。混醬（茶芥$20/位）：甜豉油底帶甜又唔會過咸，撈入蒜汁、芫茜、香蔥用作調味效果極佳。唔洗多諗，同美人共餐當然係要點選「美人鍋」襯托一番啦！等待鍋品滾起o既時間，二人先點咗客「招牌鹵味拼盤」黎送酒。招牌鹵味拼盤（$118）：招牌菜式o既鹵味汁甜濃惹味，拼盤中個人最愛爽潤o既牛肚及大腸，薄薄o既牛𦟌其實都唔錯。美人鍋（$188）：養生湯底用上原隻烏雞、桃膠、杞子、南棗及金華火腿老火湯燉煮，清甜滋補，暖胃潤喉，十分足料。由於養生鍋本身已好夠料，結果我地就簡單點咗客「手工丸類拼盤」同兩款自家製餃子黎烚