金滿象正宗泰國菜 (已結業)

一直鐘意食泰菜，但近排少食，難得舊同事話食飯仲要泰菜當然想去，突然諗起太子有間扣泰菜去試下。去到八點鐘都滿座 舖頭不大，裝修都係泰式為主。桌面吾大又因為二個女仔諗住叫三樣野食完再叫。海鮮冬蔭公湯（大）$139：好彩叫左大，細碗得4碗（2口一碗咁細）,這價錢已經吾平，味道只有酸吾夠辣。材料吾少，但蝦係梅酶...2隻青口係2粒仔青口。只可講普通。青咖喱蟹肉炒米$89：好差！！好耐未感到咁中伏。我好少可指明菜式咁差...首先個炒米份量正常，都有青咖喱味但吾濃，沒問題可接受。配料得5舊菜同蟹肉，冇問題配菜事少。最差係果個蟹肉，又梅又散仲要冇味，冇味程度係吾知自已食咩仲要鞋既。冇左果d蟹肉同我樓下$7炒米粉有咩分別。難食到失望。泰式馬拉盞炒椰菜苗$79：正常味道，份量都多，但同事覺得偏大舊同硬身。我感覺還可接受。最後2個人都覺堅差，坐左1個鐘本來想再叫都放棄，寧願去第二度再食。2位結帳共$338。失望而走。吾會再黎食。