晴の居酒屋 (裝修中)

今次去左間新開既居酒屋😗一入去就比佢個裝修吸引到，好日本🤣最鍾意佢個富士山牆，打卡一流😂環境都闊落，坐得舒服，成班fd一齊去食野飲酒都好岩!佢食物選擇都多，我地揀左個二人前 晴の御宴，個套餐有：雜錦魚生丼飯、燒虎蝦、鮪魚腩蓉反卷、雞皮餃子、炸雞件、黑豚肉蘆筍卷、日本紅豆蕨餅同烏冬😬-佢D野食係用一個大既日式便當盒去裝，仲插左D紙扇，色彩繽紛好精美❤️先講下雜錦魚生丼飯，佢有超厚既三文魚、赤身同油甘魚，好鮮甜同新鮮🤪仲有吞拿魚蓉、酸瓜、青瓜同三文魚籽可以撈飯黎食，味道好豐富👍🏻鮪魚腩蓉反卷一樣好味，D食材幾高質，係日本每日新鮮直送😮幾樣熟食我都鍾意，特別係個黑豚肉蘆筍卷，表面燒到微焦，咬落去仲有蘆筍既爽甜，中和返黑豚肉既油膩，口感同味道都剛剛好🤪-主食方面仲另外有碗豚肉烏冬，個湯幾濃，塊肉有燒過既香味，厚實得黎唔會Un😛 成個Set既野食好豐富，有肉有菜有海鮮有甜品🤣而且個環境真係食得好舒服，員工服務又好，大家有興趣都可以試下🤤