影片
更多
2022-10-25
616 瀏覽
📌 My Ahjussi - 大角咀大全街39號地舖🗓(25/10) 星期二 ⏰ 晚上7點左右 💈特式：見到有人介紹大角咀有間韓式cafe，無論裝修/環境/食物/飲品都好靚，好適合女士打卡，所以梗係要帶女孩子過嚟試下，影下靚相啦。🥩🍔🌭🌮🥗🥯🥘🍲🍝🍣🥟🍤🍱食物：餐廳定位主力係韓式食品，亦有走cafe風格，佢地d韓式食物亦似有自行改良/創新，加返少少店舖自己嘅style，亦都變得更適合香港人口味，等我同大家講下佢d韓味道先。泡菜 - 一坐低餐廳會提供前菜泡菜，都係普通泡菜，但佢呢隻算幾好食，唔太酸，又唔會太辣。炸菇 - 烤菇就見得多，炸菇就比較少見，佢一份都有7~8粒，跟埋個沙律醬，我就覺得點醬同唔點醬都各有好食之處，各有各唔同感覺。韓式牛肉飯捲 - 韓式飯捲都係韓式食物嘅標誌之一，呢個飯捲一客有8件，餡料都有好多，亦食得出佢個燒牛肉味，雖然紫菜就偏淋身，但我出去食普遍都係咁，可能呢個都係韓式飯捲嘅特式嚟。原味炸雞 - 話明食韓式野，又點可以無炸雞呢，叫左6件原味炸雞$88，炸雞外層好脆，又夠乾身唔油膩，入面仲留有肉汁好juice，下次想試埋佢其他味道，例如韓式甜辣/蒜香蜂蜜/
🗓(25/10) 星期二 ⏰ 晚上7點左右
💈特式：見到有人介紹大角咀有間韓式cafe，無論裝修/環境/食物/飲品都好靚，好適合女士打卡，所以梗係要帶女孩子過嚟試下，影下靚相啦。
🥩🍔🌭🌮🥗🥯🥘🍲🍝🍣🥟🍤🍱
食物：餐廳定位主力係韓式食品，亦有走cafe風格，佢地d韓式食物亦似有自行改良/創新，加返少少店舖自己嘅style，亦都變得更適合香港人口味，等我同大家講下佢d韓味道先。
泡菜 - 一坐低餐廳會提供前菜泡菜，都係普通泡菜，但佢呢隻算幾好食，唔太酸，又唔會太辣。
炸菇 - 烤菇就見得多，炸菇就比較少見，佢一份都有7~8粒，跟埋個沙律醬，我就覺得點醬同唔點醬都各有好食之處，各有各唔同感覺。
韓式牛肉飯捲 - 韓式飯捲都係韓式食物嘅標誌之一，呢個飯捲一客有8件，餡料都有好多，亦食得出佢個燒牛肉味，雖然紫菜就偏淋身，但我出去食普遍都係咁，可能呢個都係韓式飯捲嘅特式嚟。
原味炸雞 - 話明食韓式野，又點可以無炸雞呢，叫左6件原味炸雞$88，炸雞外層好脆，又夠乾身唔油膩，入面仲留有肉汁好juice，下次想試埋佢其他味道，例如韓式甜辣/蒜香蜂蜜/金黃鹹蛋等等...
☕️🍵🥤🧋🍺🍷🥃🍹🧉🍾🍶🥛
飲品 - 話明呢間店除左主打韓式野，仲有就係似cafe形式，所以飲品種類都真係好多選擇，除左普通飲品之外，仲有花茶/梳打/特飲/特式啤酒/燒酒等等。
焦糖爆谷拿鐵 - 呢杯特飲真係好靚，好適合打卡影相，上面有好多焦糖爆谷食，Latte都好味，咖啡味香又唔太甜。
Si L Dan(是L但) - 啤酒佢地有5款，除左韓國出名既罐裝Hite啤酒外，仲有4款特式啤酒，我就揀左呢隻是L但，貪佢個名得意，飲嚟真係好香好香松葉味。但我覺得最值得讚係，佢地個menu標明晒酒精濃度同每款啤酒嘅唔同香味，等客人好容易就揀到自己想飲個款。
🍽環境：餐廳環境真係要再讚多一次，裝修/佈置都好靚，地方又乾淨企理，坐又坐得舒服，又有d韓式music，成餐飯都見唔好多女士影相打卡/留念。
🤵🏻🤵🏻♀️🤵🏻♂️服務：餐廳職員態度好好，好nice又有善，男女職員說話好溫柔，又會細心講解個menu，上菜速度好快，d食物又夠熱。
💰💸價錢：Total叫左3個食物，1杯特飲1杯特式啤酒，埋單都只係$300，出面食炸雞飲啤酒一定唔止咁嘅價錢，我覺得都幾抵食。
🐲💬總結：今日呢餐真係食得好開心，環境又好，食物又有特式，質素又好，又唔貴，下次會再嚟試埋佢其他出品先。
推薦指數：❤️❤️❤️❤️❤️
泡菜
24 瀏覽
0 讚好
0 留言
炸菇
$48
28 瀏覽
0 讚好
0 留言
韓式牛肉飯捲
$55
32 瀏覽
0 讚好
0 留言
原味炸雞
$88
24 瀏覽
0 讚好
0 留言
14 瀏覽
0 讚好
0 留言
張貼
