古朴年代咖啡．酒館 (已結業)

星期六晚想搵個地方同朋友聚舊，可以坐得耐又唔趕人既地方唔係好多。呢間位於大圍積福街既古朴年代咖啡酒館，裝修靚，環境好，氣氛又唔錯，食飯無時限，仲有board games提供可以玩添，同朋友傾計真係一流。蘋果玫瑰花茶好香玫瑰味，用呢個壺裝又真係幾特別既。水牛城雞翼有脆卜卜的外皮，不會太油，配上酸辣醬，好開胃，真係一流！香草蕃茄海鮮扁意粉都幾足料，個汁清清地，濃度剛剛好。當初俾「騙人的薄餅」呢個名吸引到，因為想知佢點騙人法，可惜最後無咩驚喜。呢個薄餅其實睇落同食落都完全唔似薄餅，批底並不是傳統麵包底，而改用長形炸米通卜卜脆為pizza底，比較難切開，餡料有肉丸、帶子、三文魚、鴨胸肉等等。味道都幾特別，值得一試。呢個心太軟份量少之餘仲要無咩特別。