顯徑車仔麵 (已結業)

今日在顯徑完成工作後，本來想出大圍搵食，但見到有好多人喺顯徑車仔麵餐廳門外排隊，好奇便試一試，差不多排了15分鐘才能入座。店內環境乾淨企理，感覺舒服。裝修佈置帶點懷舊味道。講返食物質素，墨魚丸幾彈牙唔多粉，牛筋腩炆得好林，牛筋好滑，入味！ 車仔面底唔算大，如果肚餓要加底，至於腩汁湯底比較濃，豬皮朔晒湯底味道，食完有啲口渴，叫了杯檸檬梳打。生炸雞髀幾好食，味道醃得唔錯，肉質嫩滑，外皮香脆卻又唔算太油膩。邪惡一次冇後悔。