燒肉屋 (清風街)

同朋友約左好耐慶生都未食到佢咁岩喺附近返工機緣巧合見到間舖頭咁靚就入咗去試吓成間餐廳都好日式我地叫左個2人餐佢首先上前菜個八爪魚柚子醬醋沙律酸酸甜甜麵包粒同八爪魚出奇地夾而且好彈牙之後食爽脆豚肉片我就做開伸手黨嘅朋友燒到脆卜卜 每一啖都係充滿油香另外仲有個厚燒牛舌加埋塊檸檬落去一齊燒酸酸地同塊牛舌出奇地夾因為朋友生日所以食豪啲請佢食埋板海膽超新鮮 完全唔腥最後嘅肉係超長牛仔骨食到呢度已經好飽啦但個牛仔骨牛味好濃係我最中意嘅一碟最後飲左兩杯野飲提子梳打同柑橘梳打連飲品都好有心思提子梳打整咗好多粒提子冰冰金橘梳打用咗兒時回憶漢堡包糖來做點綴今餐真係大滿足