十十川滬料理 (已結業)

裝修時尚 新式川菜(招財進寶)椒麻雞 ⭐️⭐️⭐️⭐️雞肉嫩滑，冇雪味，醬汁味道香濃惹味，唔算太辣，麻麻辣辣幾開胃又過癮！下面仲有涼拌青瓜，但可能醃都比較耐，稍鹹。(包羅萬有) 什錦小籠包⭐️⭐️⭐️⭐️四色小籠包除咗打卡靚靚之外，甩甩小籠包都充滿着肉汁，綠色同紅色嗰粒比較特別，綠色係酸菜魚小籠包，味道有驚喜，紅色應該係冬陰功味，好香濃！(金銀滿屋) 炸雲吞⭐️⭐️⭐️⭐️呢個出色，估唔到睇落平平無奇，識落外皮香脆，中間蝦肉彈牙有鮮味，欣賞！(三星拱照) 十十三絲炒粉皮⭐️⭐️⭐️⭐️青椒絲、紅椒絲配肉絲炒粉皮夠香口，而且口感既爽口又有𡁻頭，粉皮軟硬適中，唔會太油膩。(發財好事) 發菜蠔豉豆苗湯⭐️⭐️⭐️豆苗新鮮爽脆，味道正常發揮，無乜特別，叫做有個菜有啖湯平衡返。回頭率🤡🤡🤡性價比🤰🏻🤰🏻🤰🏻