春水堂 (希慎廣場) (已結業)

平時去開其他分店嘅春水堂，今次第一次嚟到希慎廣場嘅春水堂食飯，發覺佢嘅裝修都幾特別，有別於其他分店，相信係同佢店舖嘅位置有關。店舖位置屬於露天，由於近大堂中間所以人流都比較多，位置亦都好顯眼。佢入面嘅座位大部份都有矮牆隔住，大大提高左食客嘅私隱度，令食客食得安心。嚟到春水堂梗係要飲佢啲台式飲品啦，今次試飲咗佢杯鐵觀音鮮奶，茶味非常之夠味道，配上鮮奶非常之好飲，一啲都唔會令人失望。另外再叫咗一碟香酥雞，炸衣嘅厚度剛剛好，皮肉唔會分離，食完成碟都唔覺得膩😊