小南國 (已結業)

屋企人食團年飯又吾知食咩，去到屯門市中心最後選擇了小南國，大約在7點時間不用等位就可以入去！～當然不用說這裡裝修都十分好同乾淨，隨之而來有茶和小食比我地，我地大約食左2小時左右，每人大約＄160左右其實都抵食吾叫十分貴。當然待應態度都好，會倒茶和拾走碟。油燜荀豆苗$120：荀爸爸覺得有股怪味，但我覺得味道正常，豆苗都多同炒得香而吾太油。花雕醉雞$78：好香花雕味，雞肉嫩好味，底部仲有花生已經入晒花雕味，推介好味！～生煎包$38：包面軟熟和入面肉汁好多又吾硬身，芝麻香仲有少少，底部有少少燶所以脆口，不錯。小籠包$52：正常味道，皮吾太薄身同入面有湯汁，豬肉加少少肥所以令到湯汁更香口。年糕泡飯$88：驚喜好味道，清清地菜好鮮好香，少少飯加年糕加菜清湯一口一口食好清新又飽肚。醋黃魚$268：偏甜，醋味吾夠多，魚都大條抵食，魚質吾梅又多肉。