長發海鮮酒家 (已結業)

Boxing Day去完朋友屋企，大家見呢度裝修靚同坐得寬敞，又有電視，無時間限制，節日又無特別加價，所以試下。睇過menu後大家都叫B餐，好似好多野食，好豐富，價錢算幾抵。初初驚唔夠食，點知食完好飽。服務好好！！花竹蝦好大隻，好食，唔錯呀。蘇格蘭特大聖子鮮甜彈牙，粉絲吸哂d汁好正，必食推介！！日本大元貝大大隻，新鮮好味，又係必食推介！！美國石蠔肥大味道鮮甜，無沙。韓國北寄貝，蒸完也沒有縮水，肉質相當彈牙爽口。本灣奄仔蟹有膏，蟹肉鮮嫩。貴妃蚌好味。和牛粒入口半溶，牛味亦香。最後唔少得食埋充滿海鮮精華嘅排骨南瓜粥！！店員落咗d類似洋蔥白色粒粒，其實係菜葡物體，送粥好好味。