幸福鍋 (已結業)

今日去咗屋企附近的幸福鍋食下午茶（其實係午餐加下午茶） 。餐廳裝修清新別緻，座位寬敞，氣氛悠閑，下午茶時間唔算太多人，兩個人可以坐卡位。用QR code落單，下午茶餐好抵食，一個台式臭臭鍋連埋飲品在$100樓下。如果食麵餐或者小食餐，幾十蚊就有交易，咁舒適嘅環境，性價比好高。麻辣什錦牛肉鍋配紅薯粉+ 冷泡亞里山鳥龍 $98湯底微辣，有好多配料，包括牛肉，水餃，蜆，粉絲等等，另外附上一碟帶少少甜味的麻辣醬。食完肉落紅薯粉的時候，店員很貼心，不用出聲就主動來加湯。私房麻辣牛三寶+仙草珍珠奶茶 $68 +$12鹵水牛𦟌和牛筋都炆得好淋，好入味，加上桌上供應的酸菜和我牛肉鍋內的紅薯粉，超配。另外叫醉雞卷一碟有6件，夠曬入味。芋泥芋圓唔太甜，份量算多，作為飯後甜品，足夠兩人分享。飲品選擇都很多，推介冷泡茶，很清香。