Little Vegas

營業中

休息中

黍到銅鑼灣食咩野好🤔？上OpenRice 𥄫𥄫先，俾我揾到呢間開左唔係好耐嘅樓上餐廳。Little Vegas整間餐廳裝修佈置都非常用心，顏色豐富，牆身有唔少公仔壁畫，而且窗邊佈滿好多各式各樣嘅小佈置，唔知仲以為自己去左小型博物館😎！除此之外，佢個餐牌都設計得好靚。由於我地二個都唔太肚餓，所以只係叫左二樣食物，份量正正剛剛好，完全冇浪費✌🏻！明太子忌廉天使麵非常之好食，個忌㾾明太子汁香、滑、濃，再配幼身爽口天使麵，超好吃，我地二公婆一邊食一邊大讚👍🏻：「呢碟好味道，冇叫錯！」秘製醬汁豬肋骨（半份）😆我食唔到個汁有咩秘製，同出面食果D差不多，而且個汁偏濃味同多，食汁多過食肉，不過個薯角就好好味，又夠味、夠熱、夠脆，仲一D都唔油，好乾身。