八月花 (東薈城名店倉)

營業中

休息中

今日去完迪士尼樂園，過咗去東涌city gate 食晚餐，8:15pm處處都要等位企滿人，八月花只需要等兩張枱，好快就入得。雖然門面比較細，入到去原來好大樓底好高，裝潢好細緻，有少少古風，燈光都好足夠。我們同行四個人，一共叫咗五道菜道。第一道係薰鴨（ 全隻），配有八個包。分量十足，鴨肉又滑又香，貼住骨比較薄肉的位置會相對鹹啲。但係整體外表，口感，包嘅軟硬度都10分滿意。第二道菜係山藥炒蓮藕片，炒嘅火候剛剛好，爽口之餘又夠淋，入邊有黃椒，蘆筍，山藥，蓮藕片。清清甜甜，鹹味適中。絕對推介。第三道菜係什菌煲，入邊有啲小蘆筍，西蘭花同埋比較少食到嘅白雲耳，意外地爽口，黑木耳亦都好飽滿。口感好好，調味適中，雲耳入晒味， 好正！第四道菜係豉汁帶子蒸豆腐，豆腐好滑，豉汁混合帶子同豆腐味道10分好！第五道菜就係龍蝦湯泡飯，入邊有啲類似蟹肉絲，除咗思苗米，有混合埋鄰似蒟蒻的米，有鮮蝦，蘆筍。龍蝦湯好鮮味，食得好舒服，好好味。侍應亦都會幫你分上，可以分到四小碗。總括而言，餐廳環境令人身心食得舒暢，食物質素亦都很高， 10分滿意。