一碗肉燥 (喜薈)

營業中

休息中

呢間「一碗肉燥」聽男朋友講左好多次，話係全區最好食，今日終於嘗試到！喺呢個人口較老嘅地區，竟然有一間裝潢咁年輕嘅餐廳，真係吸引到好多人，好在早去，我走嘅時候已經大排長龍！以呢粒豆做主題，餐廳牆身同餐具都有呢個logo，連waiter制服都有！個人覺得幾可愛！而且d凳好細心有個籃比我放野！重點！我男朋友話一定要食咸酥雞球wo！肉燥食辣最好！我就聽話啦！果然無失望！佢有三種粉比我地加，分別係紫菜、七味粉同埋山椒粉！貪心嘅我當然試曬！我推介七味加紫菜！雞球炸得脆卜卜！真係卡吱卡吱聲嗰隻脆wo！肉好軟，好juicy！無炸乾！雞皮油脂另雞肉保持嫩滑！味道超正！肉燥方面，本身見到份量唔多有少少失望，點知發現，味道好濃，要撈全碗飯食先好食！所以夠有多！肉燥半肥廋，唔會太肥，好送飯！成碗飯又多菜，健康又好食！兩杯飲品都好貼心！檸茶糖漿另上，已經好細心！珍珠奶茶凍得黎冰唔多，正！