鳴虎 (馬頭圍道) (已結業)

呢日喺土瓜灣工作完，近近地去咗鳴虎石頭燒食飯。餐廳裝潢有啲似日本嘅大街，掛滿一排排嘅燈籠，氣氛熱鬧。豚肉泡菜鍋鍋物材料豐富，除咗有豚肉同泡菜之外，仲有唔同種類嘅蔬菜，例如：娃娃菜、豆腐、金菇、大冬菇等等，材料鋪滿整個鐵鍋，足料飽肚。豚肉都質素唔錯，肥瘦均勻，肉味濃郁。不過湯底就比較淡。鳴虎海鮮炒飯炒飯分量慷慨，炒得乾身，海鮮有帆立貝、青口、魷魚，加上粒粒蟹子增添口感。如果加點蔥花，炒飯會更香呢！炒飯仲有跟菇菌湯，味道清甜。