影片
更多
2018-06-10
3352 瀏覽
呢晚相約onepiece同好一齊試海賊王餐廳，熱潮過左後既平日夜晚walk in都有好多位置，而且空間幾闊落，擺滿晒各人物既figure ，仲有d props 俾你影相，果然係粉絲必到之地！！欣賞完一輪就叫野食啦！Menu設計有心思（但有出錯！後面會再提），好多食物會配搭番人物角色設定，例如肉肉全部都係luffy, 彩色蛋蛋類既奇怪東西係usopp, 海鮮係大廚sanji既拿手菜，娜美又配番橘子之類既citrous fruit, 「愛吃棉花糖的寵物」當然係配番甜品！第一次點菜點得咁興奮！最後係理性與個人喜好既掙扎下揀左#正義牛排漢堡 同 #卡邦尼蜆殼粉， 每人一杯飲品同每人一份甜品！#正義牛排漢堡：海軍們話晒都軍人又個個咁打得，當然都要食好多肉！呢個長型漢堡包好方便兩個人分食，因為都好大個！一個女仔應該食唔晒成個（如果我狀態好可能先可以）。麵包好軟有好香牛油味，牛排薄薄地但5成熟岩岩好，又淋又juicy，雖然個包醬汁唔多，但肉既調味都足夠撐起成個漢堡包！而且薯條都炸得好食！已經好過好多扒房食左半個包其實已經有dd飽，呢個蜆殼粉份量唔多，正好可以填滿剩底既「主食」quota。 蜆殼粉好大
Menu設計有心思（但有出錯！後面會再提），好多食物會配搭番人物角色設定，例如肉肉全部都係luffy, 彩色蛋蛋類既奇怪東西係usopp, 海鮮係大廚sanji既拿手菜，娜美又配番橘子之類既citrous fruit, 「愛吃棉花糖的寵物」當然係配番甜品！第一次點菜點得咁興奮！最後係理性與個人喜好既掙扎下揀左#正義牛排漢堡 同 #卡邦尼蜆殼粉， 每人一杯飲品同每人一份甜品！
正義牛排漢堡！
135 瀏覽
0 讚好
0 留言
#正義牛排漢堡：海軍們話晒都軍人又個個咁打得，當然都要食好多肉！呢個長型漢堡包好方便兩個人分食，因為都好大個！一個女仔應該食唔晒成個（如果我狀態好可能先可以）。麵包好軟有好香牛油味，牛排薄薄地但5成熟岩岩好，又淋又juicy，雖然個包醬汁唔多，但肉既調味都足夠撐起成個漢堡包！而且薯條都炸得好食！已經好過好多扒房
蜆殼粉卡邦尼
78 瀏覽
0 讚好
0 留言
食左半個包其實已經有dd飽，呢個蜆殼粉份量唔多，正好可以填滿剩底既「主食」quota。 蜆殼粉好大，有d硬，可以煮耐d；一個個蜆殼可以配埋白汁蛋汁bacon粒咁釀入去食，超飽足！但我略嫌卡邦尼汁唔夠多（定蜆殼太大？）所以食到last幾隻已經無乜汁偏乾。
chopper cake!
152 瀏覽
0 讚好
0 留言
甜品時間當然要試最可愛既野！本來覺得呢個都係好睇唔好食，又可能會甜到漏，但正正超出我所料！外層粉紅色cream呈mousse質地，滑得黎有野莓味酸酸甜甜，中間有同樣厚度既蛋糕底，鬆軟度剛剛好，最核心係raspberry (or 其他莓？）果醬，整體都配搭得剛剛好，想再滑d又可以沾d whip cream食， Chopper食完一定雙眼發光
另一個甜品叫左荔枝味果凍杯配vanilla雪糕/oreo等，太興奮唔記得影相，不過中間太多cream 所以會滯，戰鬥左兩個主菜一個甜品既我地已經無力再完成佢了⋯
飲品方面就有段故聽：話說平時好少飲酒既友人叫左「路飛瑪麗」，英文係luffy virgin mary， 即係bloody mary d朋友啦，以為朋友口味轉左所以無阻止佢點知佢俾呢杯偏辣既蕃茄汁嚇親，我先知原來佢睇menu掛住睇日文（日本番黎既「壞習慣」），而日文竟然係寫住士多啤梨果汁！唔識日文既我真係得啖笑，但又凳友人唔值⋯ 最後佢發現menu有好幾個地方都中日不符，所以提示下大家 千 其 唔 好 睇 日 文 ！
（前提要識先得既xD)
後話：杯墊都非常可愛，但年輕的waiter小弟弟似乎不夠細心，攞上黎既時候反轉左，如果唔係我多手就會miss左咁靚既print la!!
雖然地點對我黎講唔方便，但如有朋友想食會再奉陪的
張貼
