小田田主題餐廳 (已結業)

今日同男朋友係太子行街，見到間主打田園風味嘅餐廳叫The Little Farm。平時行街都好少見到呢類餐廳，於是貪新鮮入左去試試。呢到嘅設計相當別緻且有心思。例如牆身掛住木窗，台上放有蠟燭，門上掛有燈飾，梳化更是五顏六色，彷彿身處在童話世界一樣，令我賞心悅目。我地叫左一份美式比目魚同一份烤韓國黑毛BB豬鞍。呢到主打紫薯系列嘅菜式，對我黎講相當新鮮。由於跟餐特飲可享半價，我地叫一杯水果茶特飲同金菊桂花茶。隨餐仲附送餐湯，好快就送左黎我地面前。今晚係忌廉南瓜湯，配送一塊淺紫色嘅面包。點一點熱湯後，面包迅速變得柔軟且有湯氣，味道十分特別。我地於是叫一份鮮茄紫薯汁沙律開開胃。 沙律就緊隨其後，真係好大盤！夠一人份嘅正餐啦。沙律菜配合埋紫薯汁同番茄真係好Fresh，令人食慾大增。終於等到主菜啦，BB豬鞍同埋比目魚。佢地嘅賣相相當吸引，相信係經精心設計過。BB豬鞍嘅肉質相當柔軟，切起黎相當輕鬆。手起刀落，一切切嘅豬鞍就切好了。配埋黑椒汁，輕柔嘅肉質真係令人停唔到口！而比目魚配黑松露薯茸餐亦相當豐富，除左份滑滑的比目魚之外，仲有附送埋一份帆立貝同薯蓉，份量十足。我仲口痕叫左份芝士蛋糕，都只係10蚊