TATA KSR 韓式。燒烤 (已結業)

位於長沙灣嘅一間韓式小店，餐廳唔大，裝飾得好chill，主要提供韓式食品同埋串燒。芝心豬扒飯，勁正嘅豬扒！一圈圈金黃色嘅外表包住豬扒，入面仲有流心芝士，非常香濃。白飯上面有青瓜絲同蛋黃醬，撈埋白飯一齊食~ 雖然好邪惡，但係好香口惹味~~~跟餐小食點咗泡菜小份，小份但係份量都唔小，特別開胃。韓式炸醬麵，有炸醬同埋少量嘅青瓜絲，麵條非常彈牙，味道好清爽，唔會太重口味。小食係烤蛋，以為係普普通通嘅烤蛋，點知非常有驚喜。裡面有芝士同埋粟米，被一層層嘅蛋包住，好creamy又滑，層次感十足。總括黎講，雖然店面細細，但係食物質素唔錯，價錢合理，好值得去試一下，夜晚同三五知己黎歎燒啤食番幾串串燒都係好好嘅選擇！