谷芋 (已結業)

近一兩年來手搖飲品的店鋪真係遍地開花，越開越多，來自五湖四海的網紅店都爭相到香港投資佔一席位，每一間飲店品都比上一間來得更有特色，更有不同的招牌飲品，以這間新開到黃埔的谷芋為例，佢主打的就係大眾熱愛又健康的芋頭及水果飲品。係店鋪的簡介上可以見到佢地製作認真，選用新鮮手作芋泥和一粒粒的水果作材料，如芒果西瓜等製成。整間店鋪都用上粉紅色作主題，仲擺有好大部夾公仔機，裝修得很有少女的味道。為配合主題，我今次都叫了一杯粉紅色的飲品"芋頭櫻櫻西米露"。這杯飲品最大特色係芋泥超多，又香又好食，配椰汁西米露感覺非常涼快，作為夏天飲品非常合適。新入會仲有半價優惠，真係好抵飲。下次放工經過會再去飲番杯試埋其他水果口味飲品。