影片
更多
2022-08-11
79 瀏覽
平時間唔中都會經開元朗圖書館附近，最近發現朗景台臺下面新開咗間工業風裝修嘅西餐廳，入面環境好寬敞，望落幾唔錯！ 呢次咁啱星期五晚同男友喺附近經開就去咗一試~果真高質，食完好滿足，絕對會再去！ 🧡Herb & Garlic Bread（$42）Menu推介嘅小食，男友非常喜歡~蒜蓉包金金黃黃，外表非常吸引！蒜香味十足，非常脆口，出色！ 🧡House Marinated Mix Olive（$38）又係男友私心點嘅小食，聽店員介紹係油浸一個月去醃製，呢個Mix Olive一共用上4款Olive，每種口感同味道都有啲唔同，個人就比較鐘意青綠色個款，入口帶點咸味同香氣，配白酒品嚐一流！ 🧡Let's go Set Dinner（$268）主食只需加$60，就可以upgrade做set dinner，有湯/沙律、甜品，我哋upgrade咗個飲品做Pineapple Lychee Soda（+$20）。 🔸餐包餐前送上嘅麵包係自家製，配上枱面嘅olive oil同黑醋，一絕！ 🔸經典羅宋湯同平時飲嘅羅宋湯好唔同，並唔係平時嗰啲得茄膏味嘅湯，而係一碗富有層次嘅紅菜頭經典羅宋湯，入面仲加咗一片檸檬，
平時間唔中都會經開元朗圖書館附近，最近發現朗景台臺下面新開咗間工業風裝修嘅西餐廳，入面環境好寬敞，望落幾唔錯！
呢次咁啱星期五晚同男友喺附近經開就去咗一試~果真高質，食完好滿足，絕對會再去！
🧡Herb & Garlic Bread（$42）
Menu推介嘅小食，男友非常喜歡~蒜蓉包金金黃黃，外表非常吸引！蒜香味十足，非常脆口，出色！
🧡House Marinated Mix Olive（$38）
又係男友私心點嘅小食，聽店員介紹係油浸一個月去醃製，呢個Mix Olive一共用上4款Olive，每種口感同味道都有啲唔同，個人就比較鐘意青綠色個款，入口帶點咸味同香氣，配白酒品嚐一流！
House Marinated Mix Olive
$38
13 瀏覽
1 讚好
0 留言
🧡Let's go Set Dinner（$268）
主食只需加$60，就可以upgrade做set dinner，有湯/沙律、甜品，我哋upgrade咗個飲品做Pineapple Lychee Soda（+$20）。
🔸餐包
餐前送上嘅麵包係自家製，配上枱面嘅olive oil同黑醋，一絕！
🔸經典羅宋湯
同平時飲嘅羅宋湯好唔同，並唔係平時嗰啲得茄膏味嘅湯，而係一碗富有層次嘅紅菜頭經典羅宋湯，入面仲加咗一片檸檬，成個感覺好fresh！店員介紹話個湯係用上八十幾種蔬菜煮成，飲得出個製作非常認真，讚！
經典羅宋湯
6 瀏覽
0 讚好
0 留言
🔸Seafood Arrabbiata
呢個海鮮自家製意粉相當唔錯，海鮮好新鮮，用料十足，醬汁同個麵又好夾，大大份自家製類似Angel Hair嘅意粉，口感一流，好食又飽肚，食完好滿足！
Seafood Arrabbiata
$188
4 瀏覽
0 讚好
0 留言
Seafood Arrabbiata
$188
10 瀏覽
0 讚好
0 留言
🔸Rice Pudding
個人好喜歡呢個意式米布甸，米布甸用咗忌廉同奶去煮，非常Creamy，奶味亦好出！米布甸入口質感煙煙韌韌，食落甜甜地，配上fresh感十足嘅青檸雪萉食完都唔會膩！個人認為呢個係必點之選，作為一餐嘅結尾啱啱好！
Rice Pudding
6 瀏覽
0 讚好
0 留言
🔸Pineapple Lychee Soda
清新微甜，飲落舒服！
呢間餐廳嘅店員介紹食物非常用心，環境寬敞，坐落好舒服！食物制作亦都講究認真，絕對係元朗一帶想食西餐嘅好選擇！
張貼
