All for One Cafe (已結業)

今日係女兒生日🎂，知道佢中意文青風格❤️，所以靜雞雞訂咗枱同佢慶祝😎。餐廳雖然喺工業中心，但其實相當就腳，觀塘地鐵站D4出口就見到，行過嚟都唔洗5分鐘。餐廳有兩款餐牌，分別係肉食同素食menu,讓客人可以按自己嘅飲食習慣選擇，唔洗走呢樣、走嗰樣，呢個細心位，抵讚👍。我哋揀咗兩份Green day breakfast 同一份鴨胸西蘭花薯餅配天使麵，Green day breakfast份量十足，先生都話夠飽，特別想讚沙律菜夠哂Fresh😋,我就最中意件多士🍞，如果係一整塊就好喇（麵包控係我🤭），鴨胸入味又juice,飲品叫咗即磨咖啡同Upgrade 咗草莓奶昔，咖啡香濃🤤奶昔軟滑清新😍。甜品阿女揀咗upgrade 藍莓cheesecake ，我預先講咗俾餐廳知係佢生日，所以餐廳响碟上面寫咗祝福字句，點知餐廳仲為小女送上驚喜-生日Bear Bear,真係好sweet ❤️。餐廳無論環境、食物、氣氛都唔錯，仲有輕鬆音樂襯托，令客人悠然自得地用餐，咁用心經營嘅餐廳，真係要推介🤜🤛