Cafe Charm's (已結業)

之前係黃埔食過味道好好，原來係 深水埗西九都有一間，當然係行完黃金順便去試下啦。門面比黃埔較細，但係入到去都有成十張台。燈光暗暗的，環境做得有情調。手工和牛漢堡 ＄８６麵包又熱又鬆軟，麵包入面有一層薄薄既牛油而且煎脆左。和牛漢堡扒極厚又夠嫩，牛肉味突出咬入去仲有牛肉汁。配合清新的生菜和煙肉，令到漢堡唔會太單調同膩滯。伴隨的厚切薯條香脆可口。明太子煙肉忌廉意大利粉配北海道帶子＄９６北海道帶子有略略煎過，大小適中，爽口有彈性。意大利粉配上明太子忌廉汁，本應帶鹹既明太子忌廉汁有層層既忌廉奶香味。意大利粉煮得爽身。周圍加有煙肉，香草粒帶味。整體味道唔差。