下江南

營業中

休息中

今日放假想去西九睇聖誕樹，早d去睇下附近有咩下午茶食，搵到呢間位於故宮博物館內的中餐好吸引，平日下午都有唔少客人，仲有外國人都黎飲杯茶。餐牌特別，用了清朝的歷史做開頭，以宮庭為題介紹唔同菜式的特點。有不少套餐都幾吸引。想食下午茶的我地就點了皇帝多寶格！精緻的點心同甜品用古式多寶格放置，非常有特式，打卡一流！食物方面有：炸蟹鉗金絲香芋酥奶黃流沙包蝦餃皇花好月圓芝麻卷紫薯糕橘子包老薑茶湯圓鮮雜果鴛鴦涼粉當中老薑茶湯圓，非常推介，非常薑，凍凍地天氣食完個人暖笠笠，仲有湯圓在入面煮得好煙靭，不會太腍。當中炸蟹鉗有驚喜，非常香口酥脆。食完想再食多兩件！蝦餃皇用唔同顏色的餃皮製造，有趣之餘又亮眼。每粒蝦餃皇放置著宮庭式的小碟上，非常有特色。花好月圓原來是榛子朱古力慕絲蛋糕，來一個中西合璧，花好月圓都係店內的特色甜品，朱古力味出，甜度適中。下午茶一定唔少得的是茶。皇帝多寶格下午茶餐可以係四款中式茶入面揀，我哋揀咗茉莉，清甜可口。店員雖然忙碌招待唔同客們，亦會主動加水，服務一流。享受呢個宮廷式嘅下午茶同時可以欣賞窗外嘅西九維港景色，絕對係下午茶既高級享受。