金玡居 (已結業)

黃昏時段同女朋友睇完故宮睇完展覽，滿足左對眼，係時候滿足下個肚，三間餐廳選一間，最後選左金玡居，舖位小小，但裝橫落足本，樓底高加落地玻璃，睇日落打卡位置一流；到點餐時候，由於我地都有選擇困難症，加上見到個餐單，樣樣都好以似好好味咁，最後店員好好為我地耐心幾款必食推介，出菜好快手，轉個頭已經有得食；推介黃金雞湯貴妃麵，名符其實真係金色雞湯，夠濃滿滿雞湯味道，一點都唔油膩，華生雞看似豉油雞，但非一般豉油雞，非常入味同夠滑，好耐無食過咁滑嘅雞；雲南酸菜雞湯麵配魚，魚夠滑，湯夠酸夠辣，無介紹錯；鹹蛋黃苦瓜，鹹蛋金香配苦瓜甘爽絕配；松阪豬頸肉，炭香豬肉味再配特制醬汁，滿足味蕾；點左兩支啤酒，店員夠醒目安排戶外位置比我地睇日落，幸福滿滿；總結直得一試，服務一流，出菜夠快，環境更加唔洗講，西九無敵大海境加日落打卡，必翻兜