HAHA CHICKEN 하하치킨 (西九龍中心)

營業中

休息中

收工係西九龍中心搵食，8樓美食廣場有超多選擇，不過全場滿座咁制，於是買外賣番屋企慢慢嘆🍗落左單10分鐘拎得👍🏻佢哋有好多款炸雞揀，驚炸雞會變稔，我揀左兩隻乾身炸雞，$166可以試勻2隻味😽兩大盒雞，件件都L size，有7-8件，3個人食都夠。有啲餐就跟埋飯。👉🏻狂熱炸雞個名聽落似辣，其實係唔辣嘅，似燒烤味。呢款都帶小小甜，比芝士味更脆，推薦。👉🏻芝士炸雞表面超多芝士粉，甜甜地又香口，難得完全唔油膩。👉🏻蒜香酥炸魷魚🦑叫左半份試下，翻到屋企凍左，好味程度打左折扣😿脆漿算薄，蒜香味都較得幾好，即場食應該好正。