Mecca (已結業)

伊斯蘭聖城麥卡Mecca , 是許多埃及人畢生都想去一次的地方，而我不是埃及人，但卻能在西九龍中心的 Food Court 中找到傳統的埃及菜！這小小的店，由兩位年青夫婦打點，男的是埃及人負責煮食，而太太則是土生土長的香港人，合作無間店子外觀一如FoodCourt 吧！餐牌都在上面燈箱顯示，在Food Court 生存，定價自然是不高，大概30-50元就可以了！也有香港人口味的常餐，曲高和寡在這生存很難吧！埃及芝士沙律啲菜都幾新鮮，白色小粒是埃及芝士，這完全不是我杯茶又咸又酸，口感粉粉地，所以我食左一口就決定只食菜就算！沙律早已伴了酸酸的醬汁，所以都唔係乾哽！特式牛肉烤卷樣子似土耳其的烤卷，所以我好感不大，以錫紙包著對分，汁料都算多！我份人就係咁mean，我頂唔順啲香草同蒜蓉味，真係聞左一下就俾朋友食，唯一就係啲醬汁流得慢，食到中間都無話食到成手都係汁！薄荷茶，幾涼喉，成餐飯最啱我心水竟然係杯野飲，真陰公！雞柳鮮茄炒意粉，一客都幾大碟食落除左茄汁的酸味外，其實都幾辣，意粉唔夠煙韌，不過雞就幾滑，由於太辣，所以食左幾啖我就放棄左了！總括來講，只可以說口味唔同，試一次就夠了。