影片
更多
2019-10-21
1660 瀏覽
記得中學時期, 時不時都會約同學仔去西九龍中心行街買野貪果度D嘢又平又齊款事隔多年, 再次黎到呢個地方, 就係約返當年嘅舊同學聚舊。今次選擇左呢間<比利餐廳>係因為上網睇到評價, 大多數都讚譽有加,而且環境不錯, 方便我同多年冇見嘅舊同學詳談, 互報近況。餐廳做緊開業一週年優惠, 全線小菜7折, 我地嗌左個拔絲咕嚕肉, 一個香煎蓮藕餅, 一個節瓜粉絲蝦米煲同一set美國牛扒配薯菜及紅湯。拔絲咕嚕肉外皮酥脆, 肉質嫩滑, 口感同味道一流. 酸酸甜甜, 非常醒胃, 係我全晚最喜歡的一道菜; 香煎蓮藕餅咸香十足, 咬落一粒粒蓮藕肉, 充滿口感, 用黎送飯簡直係絕配; 由於咕嚕肉同蓮藕餅都比較乾身, 所以我地再嗌左個節瓜粉絲蝦米煲, 湯汁香濃, 亦係一個唔錯嘅選擇。雖然牛扒同以上幾道菜相比, 感覺有點格格不入, 但由於價格實在太吸引, 所以我地都忍唔住嗌左份,$59有扒食, 仲要連埋薯菜同湯, 性價比真係超高~咪以為平野冇好野, 塊扒肉味濃而不羶, 質素非常不錯。服務方面也算周到, 我地有任何疑問, 侍應們都好耐心解答。如果大家想搵一間位於西九龍區,食物性價比高, 裝修寬敞,
貪果度D嘢又平又齊款
事隔多年, 再次黎到呢個地方, 就係約返當年嘅舊同學聚舊。今次選擇左呢間<比利餐廳>係因為上網睇到評價, 大多數都讚譽有加,而且環境不錯, 方便我同多年冇見嘅舊同學詳談, 互報近況。
餐廳做緊開業一週年優惠, 全線小菜7折, 我地嗌左個拔絲咕嚕肉, 一個香煎蓮藕餅, 一個節瓜粉絲蝦米煲同一set美國牛扒配薯菜及紅湯。
拔絲咕嚕肉外皮酥脆, 肉質嫩滑, 口感同味道一流. 酸酸甜甜, 非常醒胃, 係我全晚最喜歡的一道菜; 香煎蓮藕餅咸香十足, 咬落一粒粒蓮藕肉, 充滿口感, 用黎送飯簡直係絕配; 由於咕嚕肉同蓮藕餅都比較乾身, 所以我地再嗌左個節瓜粉絲蝦米煲, 湯汁香濃, 亦係一個唔錯嘅選擇。
雖然牛扒同以上幾道菜相比, 感覺有點格格不入, 但由於價格實在太吸引, 所以我地都忍唔住嗌左份,$59有扒食, 仲要連埋薯菜同湯, 性價比真係超高~
咪以為平野冇好野, 塊扒肉味濃而不羶, 質素非常不錯。
服務方面也算周到, 我地有任何疑問, 侍應們都好耐心解答。
如果大家想搵一間位於西九龍區,食物性價比高, 裝修寬敞, 座位舒適嘅餐廳,比利絕對會係一個唔錯嘅選擇。
美國牛扒
$59
38 瀏覽
0 讚好
0 留言
香煎蓮藕人餅
$62
21 瀏覽
0 讚好
0 留言
美國牛扒
$59
21 瀏覽
0 讚好
0 留言
張貼
