影片
更多
2023-10-24
759 瀏覽
上個禮拜天時暑熱，喺西九睇完展覽後，就順便去咗故宮文化博物館搵食=͟͟͞͞ʕ•̫͡•ʔ 去到都循例問吓條佬想食咩嘅...不過我就一早諗好要食呢間中式茶館「下江南」😂 事關之前見到佢哋新推出咗「皇帝多寶格下午茶套餐」，好吸引！終於可以嚟食呢個中式下午茶啦ヾ(*´∇`)ﾉ「下江南」位於故宮文化博物館G/F，餐廳以淺木色、藍色系為主調，偏向係新中式雅緻裝修👀 從門口月亮形拱門、牆上南巡盛典插畫都可以感受到特有氣息👲🏻 餐廳空間感十足，左手邊有一整排落地玻璃，可以遠望維港景色，寫意清幽，用餐環境舒適～ 「皇帝多寶格下午茶套餐」以多寶格造型木架盛載點心，多寶格係古代皇帝用嚟收納同展示古玩嘅擺設，今次呢個多寶格下午茶有齊鹹點甜點，另外仲有一壺茶🫖 個多寶格一上枱就會吸引全場目光，連準備離開餐廳嘅外國食客都走埋嚟話: “ Beautiful ! “😂 我就打卡打咗好耐，真係唔捨得食！♥ 皇帝多寶格下午茶套餐 $488 /2位☞ 奶皇流沙包包身軟熟，一捏爆晒漿🤤 流沙餡無令我失望，有起沙嘅口感，流出滿滿蛋黃油，鹹蛋黃味比奶味重，鹹甜兼備！建議第一個就食呢個，流沙包要趁熱食先好食㗎😉☞ 金絲香芋酥一咬落去會有「咔嚓
「下江南」位於故宮文化博物館G/F，餐廳以淺木色、藍色系為主調，偏向係新中式雅緻裝修👀 從門口月亮形拱門、牆上南巡盛典插畫都可以感受到特有氣息👲🏻 餐廳空間感十足，左手邊有一整排落地玻璃，可以遠望維港景色，寫意清幽，用餐環境舒適～
「皇帝多寶格下午茶套餐」以多寶格造型木架盛載點心，多寶格係古代皇帝用嚟收納同展示古玩嘅擺設，今次呢個多寶格下午茶有齊鹹點甜點，另外仲有一壺茶🫖 個多寶格一上枱就會吸引全場目光，連準備離開餐廳嘅外國食客都走埋嚟話: “ Beautiful ! “😂 我就打卡打咗好耐，真係唔捨得食！♥ 皇帝多寶格下午茶套餐 $488 /2位
☞ 奶皇流沙包包身軟熟，一捏爆晒漿🤤 流沙餡無令我失望，有起沙嘅口感，流出滿滿蛋黃油，鹹蛋黃味比奶味重，鹹甜兼備！建議第一個就食呢個，流沙包要趁熱食先好食㗎😉
☞ 金絲香芋酥一咬落去會有「咔嚓」聲，好酥脆！唔會太油膩，芋泥香濃綿密，我同條佬都覺得係呢個多寶格嘅鹹點之冠👑
☞ 蟠枝瑞實當日橘子包轉咗做呢個你壽包🍑 有迷你壽包嘅話，生日可以過嚟食😂 初頭以為裡面會係豆沙餡/蓮蓉餡，點知竟然係鹹點，原來當年乾隆登基幫皇太后擺大壽枱上都有呢款點心，餐廳想呈現返當時個味道 🫢 餡料係鹹肉絲配笋絲，調味啱啱好，唔會太鹹～
☞ 紫薯糕似帶有紫薯香嘅白糖糕，鬆軟唔黏口，微甜唔膩
☞ 蝦餃皇佢哋嘅蝦餃皇係有幾款顏色嘅外皮，今次係黑色同紫色皮，蝦餃皮煙韌唔算厚，內餡紮實食到裏面有隻鮮蝦，口感爽彈🦐
☞ 芝麻卷好懷舊嘅菲林卷🖤 喺香港都少見啦～ 軟滑煙韌，表面唔黏口，甜度適中，好香黑芝麻味
☞ 炸蟹鉗配泰式雞醬一齊食，炸蟹鉗表面金黃，幾香口！口感緊實彈牙，中間食到一絲絲蟹肉🦀️
☞ 花好月圓月亮形狀好搶眼，蛋糕面有雲朵裝飾☁️ 配合到餐廳嘅月亮主題，好可愛🌝 味道意外地西式🙊 黃色嘅白朱古力醬淋出啞面脆皮，內餡係榛子朱古力慕絲，朱古力特濃幼滑，仲食到少少脆脆～ 呢度嘅甜點相對高質！
☞ 老薑茶湯丸老薑茶好夠薑，甜中帶辣，食完好暖胃♨️ 湯丸有四粒，軟滑煙韌，裏面係飽滿香甜嘅芝麻餡！
☞ 鮮雜果鴛鴦涼粉生果鋪到就快滿瀉😂 有哈密瓜、西瓜、菠蘿、藍莓、奇異果， 面頭仲有啲軟綿紅豆粒！鴛鴦涼粉係黑色傳統涼粉同水晶涼粉，爽滑冰涼，消暑啱晒🧊
☞ 茶套餐都會配一壺茶，茶有龍井、烏龍、茉莉、普洱4種可以揀🫖 茶具幾有藝術感，我就揀咗龍井，飲落深醇回甘，配鹹點去油解膩！
💬 總結
如果安排咗西九一日遊，可以將呢下午茶環節加入行程～ 享受午後休閒嘅Tea Time時光ʕ•ᴥ•ʔ
張貼
