Gastrobox The Union (已結業)

自從港島西區和南區都有地鉄之後，真係方便咗好多，但今日都係第一次同嗰朋友搭地鉄去西區行吓同埋睇吓有啲乜嘢变化，因為都好耐未踏足過西區，落車行咗出嗰地鉄站之後，感覺真係变化好大，有好多新嘅建築物同埋多咗啲餐廳，行咗個零鐘後，就同個朋友揾咗間餐廳食埋飯先走，因為都有好多不同菜式嘅餐廳選擇，我倆都諗咗好耐，终於決定係呢間 位於堅尼地城 卑路乍街 嘅餐廳(GASTROBOX)，環境同氣氛都唔錯，餐牌内嘅食物都有好多選擇，朋友叫咗一個卡邦尼忌廉意大利粉，我就叫咗個烤特級安格斯西冷(十安士)配 蒜蓉包，飲品要咗一杯檸檬茶，意粉先上，我食咗少少，忌廉味濃，意粉軟硬適中，好夾，跟住來嘅係我至愛之一，西冷，我叫咗五成熟，外表好似太熟，但切開後，裡面重係有啲紅紅地，口感唔錯，加埋嗰汁，真係不得之了，好好味，嘆埋杯檸檬茶，真係正，朋友都話呢間餐廳啲食物好有水準，下次可以再來。