龍泉冰室 (已結業)

話說同友人C 到九龍仔公園做運動。 做完後順道到九龍城醫肚。 見呢間冰室客人唔多價位又實際。 每人叫一個西多士下午茶餐。 我叫法蘭西特厚花生醬西多士。友人C就叫粒粒黑白西多士。兩個套餐都係$35。 今時今日算係咁啦。 西多的確係特厚版本, 炸色唔錯入口鬆軟, 這店選擇嘅方包質地算係唔錯, 而另一個西多則是粒粒黑白西多士, 呢個餐同樣價錢35蚊但要逐粒一齊炸。心機要用多d, 但數返粒數佢又同件大西多用嘅料差不多。 杯奶茶一般嗰隻, 以呢個價位真正嘅抵食夾大件下午茶餐。